psychomatic illness

بسمه جلت اسماؤه

اللهم صل على محمد و ال محمد
قبل كل شي احب اخاطب نفسي
هل اصبحت حياتي  مليئه بالمخدرات و المسكنات التي تنسيني واقعي؟
يعني جد اقص على نفسي بالوضع الي حاطه نفسي فيه؟و ليش استانس اصلا؟
حاسه الي يصيرلي هاليومين يشبه
 ادوية المسكنات لانه جد شكو افرح بكلام...هو مجرد كلام

حاسه انه الكلام الي اسمعه حولي رغم انه يبعث الامل و الفرحه و البهجه بداخلي الا انه جد عباره عن مخدر مؤقت ولا يعالج العله نفسها لووول شي ما يشبه شي...بس خوش تشبيه ها؟ مداح نفسه..المهم
ما زال المرض مستمر و مهيمن...و خصوصا بالليل:( لو يا الليل ياك الموت لوول
اما بالنهار فا ماشي حالي الامور طيبه مع الحليب لوووول خلف ال.. عالحليب و الحمد للمولى عز و جل لولا الحليب احس بغربه قاتله لووووووول شكو!
و حابه اقول انه كثر ما اتعبني حالتي الصحيه لاني محتاجه للصحه بهالوقت مع بداية الفصل الدراسي اليديد و مشاريعي المتعلقه مثل الكولتجرل دايفرستي الا اني فرحانه بهالمرض..لانه صج ما نؤجر عليه لكن يحط من الاوزار و يا كثر اوزاري فا فعلا يستاهل الحمد الف الف مره على هالنعمه الي احسد نفسي عليها
المهم اليوم نفسيتي ولل.. الحمد وايد احسن

بخصوص الرحله لووول للحين مو مصفيه النيه..لانه بليل و ايد اتعب و ملبورن بارده وايد..لا و الي يضحك انه حدي مريضه لوووول و بلاعيم و حالتي حاله و بروح مدينة الثلج..و الي يضحك اكثر اني بعد بروح البحر..

لاني احب البحر وايد و لي علاقه وتيده معااااااه اموت بالبحر..حتى في عز البرد
يمكن الي يسمع يقول عني مجنونه بس صج صج احس البحر يكلمني :$ و يناغيني و يسليني
احسه يبلع همومي و لما اقوم منه حتى لو هي اكبر مشكله...حتى لو تكون ما زالت موجوده عالاقل تخف
بس في شي واحد يضايقني.الجلاب يكرم من يقرا عن طاريهم..
طبعا مره صارلي موقف بالبحر الي ناويه اروحله..كنت حدي مندمجه مع صوت الموج و افكر و سرحاااااااااانه و مرت وحده هي و جلبها عزكم ال..و طبعا كانت هادته ولا يهجم علي بيلحسني اوفففف انا شصار فيني ههههههههه قلبت ياهل ههههههههههههههههههههههههههه
و الباقي اترك لكم الخيال شصار يعني ! احسها نقدت علي و حسيت اني يايه من عالم ثاني.بس جد يعني لو عاضني ولا لاحسني يك يك شلون بصلي اصلا و انا كنت رايحه رحله حده مو وقت اغسل ولا اسبح..

المهم سولفنا ايد عن الرحله لوول و في موضوع معلق الي اهو موضوع الخطبه لكن جد يحتاج بوست بروحه
و اليوم يبت موضوع مهم و حلو..و تخيلو اانا يطلع مني معلومه؟ و يمكن تفيد الناس !!! مو متخيله لوول

المهم الموضوع هو

psychomatic illness
Psychosomatic illness: The mind influences the body to create or exacerbate illness
بصراحه دورتلكم بالنت لانه فاتت فتره على دراستي بالثانويه لكن ما عجبني تعرفيهم بالمره احس درسناه بطريقه ثانيه وواضحه اكثر و لاني كنت احب مادة علم النفس بالمدرسه و خصوصا الاشياء الي تتعلق بالعقل اكثر من الجانب النظري...لانه كنت و مازلت ماحب التنظير من غير تطبيق
المهم فا بعرفلكم اياه على حسب ماذكر..و السموحه من اي تقصير
طبعا السايكوماتك اللنس..هي الامراض الي تنتج عن سبب الحاله النفسيه..او من  ضغظ معين...يعني مثلا
ممكن الانسان ما يكون معرض لعامل خارجي يسبب الرشح لكن يكون مرشح بعد الامتحانات..بسبب الشد و الظغط النفسي الي يكون فيه..فا مثل هالضغظ يطلع من الانسان على شكل رشح
يعني الانسان لما يمر بظروف نفسيه عصيبه و يكون عادة مكابر...و صارم فيها...تكون النتيجه امراض متواليه و ما يكون العامل فسيلوجي كثر ماهو نفسي(مادري فهمتو هذرتي ولا لا؟)اتمنى فهمتو قصدي لووووول
لانه ماعرف اعبر بالعربي بس احب اكتب عربي لووول
و طبعا الامراض الي تكون سايكوماتك كثيره
منها امراض القولون و الجهاز الهضمي
الشقيقه...و الصداع بشكل عام
الزكام(مع انه استغربت ما يذكرونه بالنت وايد)
حتى الخربطه بالاكل...الي اهو ( و اسمحولي ماعرفه بالعرب]) eating disorders
aneroxia
bulimia
و اكثر من جذي..كلها امراض تكون ناتجه عن سبب الحاله النفسيه..من جذي انا كلما اسافر بلد احبه مامرض بالمره ههههههههههههههههههههه و استغرب ليش لمدة اشهر؟و حتى لما ارجع اخذ فتره طويله ما امرض..يمكن لاني اكون مستانسه !
و انا بصراحه اؤمن 1000% بالسيكوماتك النس لانها تحصل معاي كثير و خصوصا هاليومين..حاسه بسبب فشلي بجم شغله مرضت ورا بعض...و طبعا السبب عالارجح السايكوماتك..طبعا تشخيصي انا الفيلسوفه لوووووول
و يمكن يكون سبب ثاني و هو انه جهاز المناعه الي عندي بو طقه...صج حابه اروح سوق المستعمل...السكن هاند...او الجمعيه اشوف اذا يبيعون جهاز مناعه عدل
لانه صج الجهاز الي عندي بو تريك :_)

المهم امممم الي حابه اظيفه و هذا تعريفي عن جهل مستبد هههههههههههههههه بس جد جد ترى كل الي حولي و يعانون من مشاكل الغدد و خصوصا الغده الدرقيه اتوقع انها سايكوماتك...لانه من اثر المشاكل تتخربط عندهم الغده و الي يبط جبدي..انه بعض الاطباء يقولون لا ماله شغل...شنو ماله شغل؟يعني واحد صاحي من كثر المشاكل يصير عنده غده مبينه السالفه اممم ولا ليش لما يبعدون عن المشاكل يطيبون؟

ولا شرايكم؟مو معظم الامراض بسبب الحاله النفسيه؟
ياليت الي يقرا يعلق..و سوري على شرحي الي جنه طلاسم..اتمنى تفججونها و تقدرون تستوعبون كلامي :$

مع الشكر و التقدير

دكتوره فيلسوفه