اصبت بداء وضاع الدواء

بسمه تعالى
اللهم صل و سلم على محمد و ال محمد
اليوم صارت وايد امور و اهمها الداء المستعصي الي صابني الي ناس تقول عنه حب
حابه من اعماق قلبي اي يوم و اقول...بلا حب بلا وجع قلب...بس امنيه بعيده
لانه الحقيقه المره اكتشفت اني i dont want to fall out of love!
و هذي المصيبه العظمى..فقدت الاراده و استسلمت للذة العذاب!!!و حاسه اني غبيه
ليش مو راضيه افهم انه هالشي انتهى ؟و صار شبه مستحيل؟
ليش مو راضيه افهم انه التخيلات الي ابالي مجرد تخيلات و اوهام و الواقع غير جذي بالمره
ليش مو راضيه اقتنع انه يمكن يتعاطف معاي..بس غريزته الي اتخيلها لي و مشاعره و العاطفه الي  كنت ابيها منه
لغيري..و ما راح تكون لي يوم من الايام...
ليش انا غبيه لهالدرجه؟
لو احد عارف الجواب يفيدني بليز لانه انا مو راح انجن..الا انجنيت و خلصت
و ما قمت اعرف شلون اتصرف فعلا فقدت زمام الامور و اصبحت
من مجانين العشاق
فعلي السلام :(
يمكن عشان اول حب؟مادري مالي غير ربي يطلعني من هالحال الى احسن حال..يا رب اليك المشتكى و عليك المعول في الشدة و الرخاء الهمني الصبر و النسيان

بس للحين عندي امل ارد لحياتي الي كنت عايشتها صج كانت خاليه من الحب او بمعنى اصح كنت اوزع الحب بشكل ثاني على الي حولي من خلال حياتي الاجتماعيه و الزحمه الي دايما انا فيها
صج انه ما كان بنفس الطريقه لكن وايد ارحم و مافيه اوهام عالاقل كان واقع
ما احلى ان يعيش الانسان واقعه بدال الخيال المهبب الي لا يودي ولا ايييب
عموما يمكن المأساة بتنتهي قريب

 حلم يتبدد..فستان زفافي
من فتره غير طويله سويت اوردر على فستان زفاف و قبل الانفصال باسبوع وصل و كنت حابه اخليها مفاجأه لكن قدر ال..و ما شاء فعل فا الي حاصل انه باجر باخذه معاي مدينة ملبورن و ببيعه اهناك
لانه كافي الم و ذكريات تعور القلب
و يمكن يجمعني القدر بفستان جديد..و يمكن اتم قيد الجنون الي انا فيه
و اسيرة بيد العشق الوهمي...ال..اعلم :_)

كنت حابه اوريكم صوره منه لاني صورته لكن النت ما يساعد و انا مستعيله بسافر بعد شوي فا يمكن وقت ثاني انزله بالمدونه

رسالة تزيدني هم الى همي..

بصراحه ما احس بحرقة قلب بخصوص هالموضوع..و هو الجامعه..
اليوم وصلتني رساله من الجامعه
تحذر من النتيجه مالت الفصل الاول لهالعام..الي كان فاشل..و طبعا المكتوب بالرساله
انه هذي اول مره يبدر مني هالشي و انهم مستغربين...و انه لازم انجح بنسبة 50% من الفصل القادم الي بلش الحين.و الا
سيتم فصلي من الكورس كله و اشوفلي نيه ثانيه ! فا جد لازم ابلش شغل الجد بس مادري ليش ماشعر بقلق المدرسه المعتاد؟؟
ليش صار عادي مادري لوووول
المهم بكلمهم  و اشرحلهم شاللي صار وياي..و بعطيهم وعد باني اكون طالبه مجتهده الايام اليايه و اتمنى اكون عند وعدي..
والا صج صج بيطردوني من كليتي الي اموت فيها و احبها ..لا لا ماتخيل كله ولا هذي..الل لا يقولها!!!

و رغم هذا كله احب اهني
نبي الرحمه محمد صلى ال عليه و اله و سلم
و الائمة المعصومين ومولاتي ام الميامين و سيدة نساء العالمين الزهراء عليها افضل الصلوات و اتم التسليم..و العالم الاسلامي كافه
بذكرى ميلاد منقذ البشريه القائم المنتظر الحجة بن الحسن روحي و ارواح العالمين لتراب مقدمه الفداء
و رغم لوعة الانتظار و الهموم المحيطه بنا و فيني شخصيا
الا ان الفرحه ما تسعني كل سنه
و اجدد له البيعه و الولاء في هذا العام و في كل عام ما دمت على قيد الحياة
و انا فعلا فرحاااااااانه حيل بهالمناسبه و الي يزيد فرحي احم :$
انه
انا بعد مولوده بشعبان بالنصف منه :$
فا اهني

نفسي بتقدم العمر 

و الكبر

و الشيب المبجر 

و التقرب من الموت :$

و قرب يخلص المشوار و انا للحين صفر الطريق الطويل!! وافشلتااااااااه 

لكن اهني نفسي احم احم

بمناسبة عيدميلادي العربي( صج ماكو سالفه احتفل بالاثنين من فراغتي) 

طبعا بما اني من المولودين بشعبان فا 

هابي برتي لي..و فعلا يبيلي اراجع احسباتي هالسنه 

و هالشهر بالخصوص لانه حدي كنت مقصره 

اولا مقصره في حق عبادتي

و في حق نفسي

و في حق دراستي و اخرتي 

اما الدنيا و الناس..اوف فا ماخذين نصيبهم مني و زياده عدل عدل ههههههههههه اهما الوحيدين الي مو مقصره معاهم ! بالمره 

و بمناسبة هذه الايام الساره (الراء مشدده بس مالي خلق ادور الشده بالكيبورد اوكي؟) 

احب اقول 

صلوا على سيدنا السني 

امامنا المنتظر المهدي

نجل الوصي الحسن الزكي 

سليل مولانا الفتي علي

نجل الجواد الزاهد التقي

فتى الرضا والكاظم البهي 

ابن الامام الصادق التقي

نجل الامام الباقر العلي

نسل علي الخاشع الزكي

ابن الحسين السيد الوفي

اخو الامام الحسن الزكي 

ابن الامام المرتضى علي 

نفس الرسول المصطفى النبي 

ابو البتولة ام النبي 

صلى عليه ال..في العشي

والسحر المظلم و الدجى 

ما ان حدى الحادي على المطي

(المرجع(

كتاب نور الابصار  في مواليد الائمه الاطهار

تقبلو مني اجمل التهاني و التحيات 

best wishes :)