سياحه بالمستشفى

بسمه جلت أسماؤه
اللهم صل على محمد وال محمد

اكتب هالبوست و أنا حدي تعبانه
لدرجه انه ما تفيد مسكنات رغم أني
حاليا بالمشتشفى من أمس الصبح
وأتوقع السبب انه مناعتي قليله
يمكن من كثر الكتمان كوني بواجهة المجتمع
ردت الفعل تكون أمراض جسديه
لكن بهالخصوص ماقدر اقول
اللهم لك الحمد على ما ابليت وعافيت

من فتره قصيره كنت راضيه عن نفسي
وعن قراراتي لانه بنظري كانت هي الأصح والاسلم اي
لكن الحين أنا وايد زعلانه
لأني سمحت لأمور مالها داعي
تدخل بحياتي مره ثانيه
وتجرحني كثر ما أنا مجروحه
كأني اتلذذ بجرح نفسي بأيدي
يمكن اكثر شي مزعلني قعدتي بالمستشفى
الي أتمنى انها ما تطول لانه دوامي يبدي
الخميس و صج اشتقت للجامعه
والي مكرهني بقعدتي أهني بعد
انها أرجعني لذكريات أنا بغنى عنها
لانه ماستفيد غير الدموع الصامته
وابتسامه محرومه
وآسف على شي مو لي
خصوصا انها تذكرني بأيام مرضي الي فاتت من جم شهر
صحيح الوضع مختلف المره ابي طافت اخطر بوايد
بس عالاقل كان في عندي امل
كنت مستغنيه عن العالم كله
بوجود شخص كان شريان ينبض التفائل
والامل و الصبر فيني
لأني كنت واثقه لأبعد الحدود
انه مهما صار ما راح بتخلى عني
ولا يفكر مجرد تفكير حتى بغيري
كان يصبرني بمجرد وجوده معاي
كان يخفف عني الألم ويدخل السرور على قلبي
كان يدعيلي و خايف علي وخايف أني اروح منه
كان يضحكني عشان انسى الألم وفعلا كنت أنساه
كان ما يفارقني لحظه حتى لو خلص الاتصال
كانت روحه عندي
ترفرف علي نفس الطير
كنت احس فيه
كان و كنت....ماضي
لا يمكن ان يعود
والحين؟؟وحده مهيمنه رغم زحمة الناس
الي زادو ما نقصو
ليش أنا ضعيفه لهالدرجه؟؟أسفي على شنو
البجي بعد ما يفيد
ماكو فايده منه غير الصداع الي يهيج الآلام
يمكن نفسي ترتاح لكن جسدي تعب
أنا لا اقوى على الأسى
كان علي ان اداري ضعفي عن الشماته
صج دنيا عجيبه
حبيب ودود يصير شامت
ويفرح بالمي
وضعفي
والأمر لما ما يكون الانسان مذنب
لو كان لي١٪ ذنب كنت يمكن اسعد
من جذي
وأخيرا بعد كل هالالم الي لا يقدم ولا ياخر
ابي اقول انه هالقعده بالمستشفى رحمه لي
أنا فعلا كنت محتاجه أبعد عن الأنظار لفتره
كنت محبوسه في جو المكابره
عشان جذي اقول الحمدلله الي الي لبى ندائي
حتى لو بهالطريقه
صج كان مشروع سياحي قوي لمدينة الثلج
لكن هذاك المشروع ما يريح وسط الناس
وتعال جامل
وكاير وبينلهم انك مستأنس
حتى لو استأنست فعلا لأني احب العب بالثلج
وبكون مستمتعه
بيتم شي ناقص داخلي
ماخذه حقه
لازم اطلع من هالجو بشويش
وأكون بروحي بعيد عن الناس
اتسلى بالهموم
والذكريات
وحرارة الدموع
حتى لو غلط
لازم يطلع من قلبي هالموضوع كله
وبالتدريج
لانه شوي شوي انسى
كلما زاد الألم و الحزن
نسيت اكثر
لازم اقتل هالحنين
بكثر الألم عشان لو فكرت احن مره ثانيه
اقول على شنو احن؟؟على ايام كئيبه و هجر مستبد
الي قهرني و يمكن اهو سبب طيحتي
بالمستشفى الحين
أني انخطبت وانا للحين في حالة حب مستعصيه
يمكن ما عندي سالفه
بس جد ذبحني التفكير بالشخص الغلط
شخص ضحى فيني من اجل نزواته
امممم اكمل سالفة الخطبه بعدين
بس حابه اختم بموقف ظريف
تدرون شنو اكثر شي ينرفز بالمستشفى؟؟
العيايز مايخلون واحد ينام
بروحه العوار ازعاج
والمصيبه لو يا الليل و العيووز تبي حنان
هههههه تعالي لميني أنا بروحي ابي احد إيلمني وذابحني الشوق
شكلها تغار من أمي وابوي لما يدلعوني
جد الي يكبر يكسر الخاطر يصير جنه ياهل
اما السالفه الثانيه
سالفة المغذي هففففف
صج هف هف
ابي اتقلب وماقدر من المغذي
الانساااان..ياله من كائن ضعيف حيل
وآخر البوست حابه اقول
يانفسي تووووووبي وشوفي وين وصلتي
ووصلتيني معاج هف منج
get over it..it's smaller than u imagine..
Stop expanding your useless feelings