بسمه تعالى
اللهم صل على محمد وال محمد
وجدت حلا
كنت محتاجه ابعد عن جو البيت شوي
كنت محتاجه لهالنزهه عشان افكر عدل
وبعقل
لانه جو البيت وكل زاويه لها حكايه
حتى الحديقه والباكيارد
يمكن لو رديت ارجع احن
بس عالاقل اكون قررت و بجديه قبل لا ارجع
حالتي مو عاجبتني بالمره
اي صج قبل لا اقول قراري
ترى نفنوف العرس ما انباع الاخ صاحب المحل يبي يأجره و يربح فيه على حسابي
المهم نرجع لقراري و هو
أني لازم احدد مساري
دام قلبي وتغير مساره
والحل الوحيد الي يخليني احدد وجهتي
هو الاختفاء مطلقا
لازم أقسى على نفسي
واتحكم فيها وما اسمح لها تتحكم فيني
ولو حابه استمر
بالكتابه بكتب عالفيس بوك
بكتب لنفسي مو لغايه مادري شنو وراها
غايه ضايعه اساسا
وداعا يا مدونتي لكن لا أودع الكتابه ابدا
لانها لذتي وهوسي الممتع في هذه الحياة
صج الفتره قصيره لكن أنا متأكده ان لها اثر كبير
وداعا حبيبي ...الذي كان
No comments:
Post a Comment