Wednesday, July 21, 2010

حديث ماله داعي مع النفس

بسمه جلت اسماؤه
اللهم صل على محمد و ال محمد
في إحساس قاعد يجي و يروح
ويمكن يكون طبيعي
لكن فعلا تعبني
لدرجه أني رسبت السمستر الي طاف
بسبب انشغالي بالظروف الي مريت فيها
وطبعا كانت اول مره بحياتي الاكادميه كلها
أني ارسب
عالاقل مو بهالطريقه
والصج أني مالي خلق ابلش هالسمستر
لكن الحمدلله دوامه حلو بس مالي مزاج للدراسه
على كثر ما حبيتها
أتمنى استعيد حيويتي بهالمجال مثل المجالات الثانيه
الي ما قصرت فيها لحظه حتى باقسى الايام
المهم طلعت من الموضوع وايد
الإحساس الس يروح و يرد
هو أني للحين احس بالارتباط
يمكن مو بنفس ألطريقه
بس إحساس يختفي و يرد
مادري شنو سببه رغم كل الجروح
و التجريح المستمر و توالي الصدمات
الحين اعطي من نفسي ووقتي
واقعد افكر
اقول اهو حبني صج ولا استغلني؟
سؤال يأنبنيي
ومهما كان الجواب فالنتيجه وحده
بس قريت مره انه we love for no reasons
وامر شي حقيقه عالانسان ان يشوف حبيبه يحب شخص ثاني
وانا؟؟انه لا يطيقني
لم يحبني يوما
الحب جنون و هيام
يمكن بالبدايه كان في لهفه
وشوق بعدين راحت
بغض النظر عن السبب الاساسي
اهو كان موجود وماكنت حاسه بشي
كانت فرحتي لا تسعني
يمكن كنت مندفعه بالاتجاه الغلط حدي
لانه المثل يقول كلن يرى الناس بعين طبعه
لكن الحقيقه يت عشان تصيحيني من هالاوهام
المراره و الي لازم تكون بتفكيري
من اليوم و رايح عشان اطلع من الي أنا فيه
انه ماحبني
كان مندفع بالبدايه لانه الموضوع يديد
او يمكن كان يبي يكون اسره
و بس
ولو استمريت جان الوضع ممكن يكون للأسوأ
لانه صعب توفي لإنسان ويصارحك
انك شريك مع شخص ثاني بقلبه
صعب يكون هو بس بحياتك
وانت تدري غيرك بحياته
يمكن الذكرى مازالت ملموسه و هذا الي متعبني
أتوقع قريب لما ارد كل شي راح ارتاح اكثر
وتختفي كل الذكريات
والحلو ان هالمدونه اتاحتلي الفرصه ان اعبر
لانه الكتمان والتظاهر بالسرور هو السائد
مابي اجرح اعز الاشخاص بحياتي
وابينلهم أني اتالم بسبب شي
اهما مالهم ذنب فيه
ماكان الا اختياري الي ماقول انه كان غلط
بالعكس مالوم نفسي لحظه ولا اقول غلطت
لانه قبل لا اقدم على هالخطوه كان هذا هو الصح
لكن سبحان مقلب القلوب والأبصار
ويمكن ما تقلب القلب
اساسا ما كان لي
أنا بس كنت له
هذرتي هذي صج ما منها فايده
ولازم اصحى
واطالع للمستقبل
لانه منور وايد
بس مشكلتي أني عاطفيه و كل ما يا على بالي هالموضوع
غصيت...
يمكن اول جم يوم كنت أسوأ لانه كنت لما اسمع
الاسم ابجي بسرعه
وكانه تفاعل دموعي اوتماتيكي
الحين ماقول صار عادي
بس قلت حساسيتي واااااايد
لانه من باعني ب$٦٠٠٠بتراب أبيعه
يمكن اناقض نفسي
لكن لازم يكون هذا شعاري من اليوم ورايح
توقفت هنا لانه لاعت جبدي من ملاقتي
الي مالها داعي
والي ما تزيدني الا هموم لهمومي
وماراح تغير من وضعي شي
امممم واخاطب نفسي بهالكلام
اقول "فتره و تعدي"
لانه العمر كله يعدي...
ومابقالي شي اتحسف عليه

No comments:

Post a Comment