Friday, August 6, 2010

صعب المنال

بسمه تعالى
رجعت بلهفتي
وتنازلت
وكنت مستعده اضحي من يديد
وأعيد كل شي
واعطي فرصه لنفسي و له
لكن قابلني بكل برود
ورجعت بأشواق و لهفه من طرف واحد
لانه مل مني بسرعه اسرع من ما توقعت
عشان جذي هالمره
ببعد صج و ادوس على هالقلب
الي يشوف الكل بعين طبعه الطيب
والواقع غير الظنون
تجاوزت..جنه الكلام لج يا جاره
عموما هذا جد اخر بوست
وكل الي كنت بكتبه بيتم معلق
لحد مايذوب بروحه و "اتجاوزه"
وأثقل شوي و مأكون خفيفه
وبختمها بهالاغنيه
لانها بتتكلم عن الوضع برمته
مع أني ماسمع أغاني
لكن كلماتها شدتني و احسها
حقيقه مره
لازم استوعبها
انه خذلني مرتين
كان بيدي واقع حياتي وفرحتي واصبح خيال !
كان بيدي وشلون اصبح معجزه وصعب المنال ؟
كان الحبيب .. واقرب قريب
كنت انا بالنسبه له كل الحياه
فجاه قسى .. صد ونسى
عذره اللي يبعده حبه ووفاه
ماهو بري .. مابري شي بهالوجود كل شي له يد بعذابي ومعتدي
ابداها من عند الظروف والناس واختمها على الحظ الردي ؟

بعد الغياب اللي شرع للالم الفين باب
والاشتياق اللي وراني الهوايل والعذاب
رجعت انا وحاولت

حاولت اوصل له ووصلته .. لما شفته قلت اسولف له عذابي
في غيابه وش جرالي ؟ وكيف حالي ؟
يمكن يحن لعشرتي وذيك الليالي !
بس للاسف .. فاجا القلب ببروده وقسوته
خاب راعي الطيب .. وخابت هقوته
وساعتها ضاقت بي الوسيعه .. وسالت دموعي غصب عني
غرقت انا حلمي وربيعه .. بس انكسر فوق متني
واخذت احزاني ومشيت .. وقلت ياقلبي ياليت
مارجعت وانصدمت باللي شفته
وقلت ياقلبي خلاص اقتنع هذا مات
ومن يموت رجعته عين المحال وصعب المنال .

 


http://www.youtube.com/watch?v=wI5EQXOn51o

No comments:

Post a Comment