Thursday, August 12, 2010

في استقبال شهر رمضان

بسمه تعالى

اللهم صل على محمد وال محمد
اللهم رب شهر رمضان
الذي انزلت فيه القران
وافترضت على عبادك فيه الصيام
ارزقني حج بيتك الحرام
في عامي هذا و في كل عام
واغفرلي تلك الذنوب العظام
فانه لا يغفرها غيرك يا رحمن يا علام

شهر له هيبته و رونقه دون الشهور
به تفتح ابواب السماء و تفيض ألرحمه
و من رحمته منّه علي بالمرض
٢٠١٠
سنة "العلل" ام ماذا؟؟
هذه المره الثالثه على التوالي هذه السنه
وقبل هذه السنه لم احتاج للعباده حتى!!
وكل شوي غير
لكن هالمره نفس طيحتي الأولى
احس يثقل و خمول و حراره بس من نوع ثاني
هالمره الحراره بالعظام
المضحك المبكي ان الدكتور يسألني
are you upset dear??my daughter
you got High temperature with no
clear symptoms
لا تعليق طبعا حرارتي ٣٩
شكلي حايشني حر لووول
لكن الحلو هالمره انه عندهم وايرلس
واهم شي ماكو مغذي
بس صج ذبحني الألم
لكن الحمدلله
ان من علي بالحراره
عشان يحط من أوزاري
وما أعظمها
بس بعترفلكم
أني قاعده اكتب كتاب
ومابي أتعطل عنه
و قريبا بيكون في المكتبات بإذن الله
وبركة دعائكم
طبعا اهو كتيب مو كتاب كتاب
و أتمني
ان يصل لو لقلب شخص واحد يكفيني
الشي الثاني دراستي
بطلع من أهني بأسرع وقت واسأل الله العافيه
عشان انتبه لها لانه مثل ما قلت
ودولي إنذار ولازم انجح هالسمستر
وبعد شنو فيه..اممم
اي ...ترى مسابقة الحج أنلغت
ماعندهم عدد كافي
شكلي أنا قبست عليهم هههههه
صج الي اي من ورا الناس مو من الله
ما ينراد
اذا الله وفقني هالسنه يحاول اروح احج
على حسابي
وماراح ارضى بعدها ينادوني باسمي
لازم يقولون حجيه
أممم و بعد قلت أني ماراح اكتب
قصدت بوستات شخصيه حيل
وبعد بتكلم عن مسلسلي
طبعا خلص قبل رمضان
اشوه ماقطعووه
بس مو مستوعبه مسلسل تركي ٢١حلقه؟؟
المهم البطل و البطله تزوجوا
بعد صراع طبعا
ضحى باغلى شب و هو الملاكمه
عشان حبيبته و تزوجها
هذا الحب ولا بلاش
خلف الله على رياايلنا
احس مسلسل زوارة الخميس يجسد
واقع كبير من ازواج مجتمعنا الخليجي بالخصوص
لانه المعروف الأزواج العرب اكثرهم
يعرفون يتعاملون مع المره
عموما
المسلسل كان وايد عاجبني
وفرحت بعرس علي و هديه
حتى يببت من الفرحه ههههههههههه
بخصوص رمضااان أمم
كنت مرتبه جدول
لو الله من علي بالعافيه
اكمله
ولو ربي أخذ أمانته
بلييييز وصيه لو مت تصلولي
صلاة الوحشه
وانا بدوري بتوسطلكم في البرزخ
عندي خوش واسطات هههههههه واصله الاخت
عموما نسبيا في شي من جدول رمضان معاي الحين
اما الباقي في البيت
والحقيقه ليس لدي الا أنيس النفوس
القران
ومفاتيح الجنان
و....لا املك
الا قلمي الذي لا يجف
نعم ..لا ترويني الا الكتابه
وقريبا ساقطف لكم من اعذب المناجات
للنبي الكريم و اهل بيتا الطاهرين صلوات الله و سلامه
عليهم اجمعين في البوستات اليايه
مع تعليقي عليها على قد فهمي لانه تدرون
ليس لدي الا التقصير والقصور
ولو نسيت شي بكتبه ببوست ثاني
مبارك عليكم الشهر قرائي أينما حللتم

No comments:

Post a Comment