Saturday, August 14, 2010

Ramadan talk

بسمه خير الأسماء
اللهم صل على محمد وال محمد

الحمد للباري عز وجل الازمه الصحيه عدت على خير
وان شاء ربي بلا عوده!
اما بالنسبه للدراسه فا للحين ما بلشت بشي
ولازم ابلش قريب عشان انجح هالكورس يا رب

رمضان
بخصوص رمضان فا الروحانيه عاليه
وان شاءالله ما يتبدل الوضع الا للأفضل
القران له لذه خاصه برمضان
يقرأ بشغف مادري عشان الشياطين مغلوله؟
مرات بغير رمضان الواحد يحس انه يبي بس يخلص

اما بالنسبه للادعيه
فا كلها جميله و مناجاة ولا اروع
لكن طبعا على رأس هالادعيه
والي يتميز بروحانيه اكبر
دعاء ابي حمزه الثمالي
لما يحمل هذا الدعاء من معاني كالاحتجاج على الله بالإيمان
وفي نفس الوقت الإقرار بالذنب و الاعتراف بالمعاصي
والأمل بالتوبه والقبول
ان شاءالله بكتب موضوع مفصل عن هالدعاء قريب
لانه يستحق وقفه

بالنسبه للمسلسلات
فا وقتي رغم انه فيه وايد وقت فراغ
مايستوعب اكثر من مسلسلين وواحد ثالث
شفت منه حلقه وحده
للأسف المسلسلات الي متابعتها كلها خليجيه
طبعا راح أرتبها حسب الي شدني اكثر
ليلة عيد
هالمسلسل يمكن اكثر مسلسل اندمج معاه
يشدني اداء الفنانه حياة الفهد
واجادتها للدور
ولو أني لي تحفظ عليها كانسانه خارج الفن
لكن على الصعيد الفني هي الافضل دائما
الشي الثاني القصه مبين عليها حلوه مع أني امس شفت
اول حلقه يعني الحلقه الثالثه
المسلسل الثاني زوارة خميس
هالمسلسل عاد تابعته من الحلقه الأولى
ويشدني فيه واقعيته
اهو مسلسل واقعي بكل مشهد من مشاهده
ويتكلم بلسان حال مجتمع كامل
صحيح الصوره كا مظهر خارجي تختلف من اسره لأخرى
لكن المضمون اعتقد يشتركون فيه كل المجتمعات الخليجيه
والكويتيه بالخصوص
وخصوصا الواقع الي يعيشونه الازواج
والزوجات
بصراحه عمل ممتاااااااااز

اما المسلسل الثالث والي a must watch
اهو إخوان مريم
والي يحكي تاريخ الكويت من بدايته
وللحين مستمرين صح
مافي جذب ولا تأويل
لكن حتى لو جذبوا هم بتابعه
لانه
"يطوفك من الجذاب صج وايد"
العمل بنظري متكامل
وموقعه ممتاز
واختيار الممثلين ولا اروع
وفيهم شبه من الشيوخ بعد هههههه
وطبعا القصه والأحداث ما تملل
بالعكس عامل التشويق موجود
وبقوه
طبعا كنت وايد حابه اتابع ذاكرة الجسد
و باب الحاره
وبرامج وايد
لكن جدولي ما يسمح لانه بالنهايه
come on ppl it's Ramadan durrrrr!!!!
وطبعا كل المسلسلات الي تكلمت عنها مو مثل
مسلسلي الي بكتبه
ترقبوه رمضان الياي
بيكسر عليهم كلهم هههههههههه

الأكل
هالشهر فرصتي أني اثبت وجودي
بالطبخ
وللحين ولله الحمد الأكل تمااااااام
والطبخ على أوصله
والفناتك مستمره
صح حاشتني موجه مرضيه
لكن اليوم اول ما طلعت
لزمت أني اسوي صينية دياي مع خضره
بالفرن
حطيتها بالفرن مع التتبيله السريه
ودخت جان أنام ساعتين قبل الفطور
قعدت ولا الخضره الي فوق محترقه شوي
"oooopps!!not my fault ;p"
بس هم انوكلت وبقوه هجوم صار
لانه الفلفل الأحمر والأصفر والكرنب
الي هو الملفوف
معطي طعم لذيييييذ
يا سلاااام علي وعلى اكلاتي
وطبعا قبل لا انتكس بالطبيب
سويت مناقيش
وفطاير
إنجاز صح؟؟
هههههههههههه
عاد هذي من المعاجز
لانه ذبحوني ولا تقولون عجني شي
بس والله خوش عييينه
طلعت مظبوطه بالمقادير
وطلعت عجينة فنادق
أنفع والله
أما بخصوص الحب..
فا لا تعليق!!
الوضع مأساااااااااااااااااووييييييييي
لوووووول
وبس هذا كل شي لليوم
؛)
ملاحزه
ماحب احد يمر مدونتي و ما يعلق
بلييييييييييز
be polite and leave a comment
your feedback is a concern to moi
taaaaaaaaah ;p

No comments:

Post a Comment