بسمه تعالى
بعد تخبطي في دوامة الهوى
علمت ان كتاباتي هنا بلا جدوى
صحيح انها تريحني من الاسى
والشجن
ونفسيتي تحسنت وأيد عن اول ايام لأني كنت
مصدومه
الا أني بنفس الوقت حاسه انه مأمنها فايده
غير انها تجرفني للوهم والتعلق
شوي شوي
وجذي بيكون وضعي أصعب من أني اطلع من الي أنا فيه
لانه فكري و روحي و فرحي وحزني
مقترن بهالشخص
لازم ابعد
وأعاني
واتعذب اكثر
واتالم
عشان اتعايش مع وضعي اليديد
ويكون قاسي عشان أتحمل
لانه لو تميت بهالحاله بعيش صراع اخطر
سراب على امل ان أوصله
لكنه مستحيل
أنا تعبانه
تعبت حيل من كل شي
ليش القدر يجمعنا بناس
اذا كان بيفرقنا عنهم؟؟
ونتعذب و نخسر من صحتنا
ولحضات فرحنا عشان نتجاوز وجودهم
في حياتنا و أحلامنا؟؟
أنا لازم ابعد
لازم أحاول
لانه مافي فايده من الي اسويه
هو تحصيل حاصل
اليوم كلمت صديقه مقربه لي
وقلت لها عن الي يصير معاي هاليومين
فا قالتلي
ديري بالج يمكن يقول لاهله انج كلمتيه
ويقول شوفوا هذي الي كنت أبيها
شوفوا شتسوي؟؟
او يمكن يكلم اهلج
لا تنكسين راس أبوج
بصراحه بيني و بين نفسي
تزعزعت
رديت عليها و بحميه
مستحيل فلان يبدر منه هالتصرف
بعدين أنا ماصغرت بعيونه
يوم أبوح عن مشاعري
سواء له مباشرة
او لنفسي كا محاوره مع النفس
فا ردت علي بابتسامه ساخره
عدل كلامج بس هم توقعي كل شي
بصراحه مادري تفكيري مختلف تماما
فانا أثق ثقه عميااااااء
بعدين لو كان بينتقم مني
جان تكلم عن علاقتنا قبل العقد الشرعي
ماعتقد انسان حبك ولو لحظه
يطعنك بهالشكل
وقتلها مانكر
انه جرحني وهد قواي
وانهرت يوم طلع رسائلنا الخاصه قبل الانفصال
بأيام للناس
لكن ماقدر افقد الثقه
لانه شي ماتخيله
لما خلصنا من هالموضوع
قالت والحين شبتسوين؟؟
تصرفاتج قاعده تشده لج مره ثانيه
حقيقه سؤالها يا في الصميم
وين راح اوصل ؟؟
حتى وان كانت الثقه متبادله
فما الهدف
وين بنوصل؟؟
أنا جذي قاعده أتعذب واعذبه معاي
احنا بطريقين نقيضين
وقلوبنا مجتمعه بطريق
واحد وماشيه فيه بدون وهو الشوق والحب جد احس انه مخابيييييلdestination
فا جد أنا ضايعه
احس ماعدا اعرف نفسي
فمن أنا اليوم؟؟
وماذا اريد؟؟
هل هيمن علي الهوى
لأضل الطريق..
أنا بصراحه مفكره الخطوه الاولى
أسكر المذكره و استمر اكتب بالنوتز
واحتفظ بكتاباتي لنفسي
رغم أني حابه و في
إصرار و إلحاح داخلي أني انشرهم
مادري الي عنده نصيحه يفيدني فيها
أنا جد ضاااااااايعه مع أني مو خابرتني
ضعيفه جذي!!!
اي الي عنده حل يفيدني فيه بالتعليق
ترى ماعض والله لوووول
تقبلوا تحياتي
ومتاهاتي
No comments:
Post a Comment